COMPAÑÍA DE ÓPERA CARIÁTIDES

Hoxe estiveron Guillermo, Nadia e Pilar no concello para realizar as xestións programadas para alugar o Teatro Jofre. Volveron xunto Ana Beceiro (secretaria do concelleiro de cultura) a falar con ela, para saber se o concelleiro nos financiaba o aluguer para facer a representación da obra. A resposta foi que si, polo que comezamos a facer a xestión no despacho de cultura xa que hai que entregar un montón de papeleo. Pouco a pouco conseguiremos o que queremos. RECÓRDOVOS QUE PODEDES IR A NOSA CONTA DE INSTAGRAM !!!!!!!!!!!!

Hoxe a terceira hora tivemos unha reunión cos nosos compañeiros de 4ºB. Ensináronnos os modelos de logo que tiñan preparados  para nós e escollimos, por consenso, o que máis nos gustou. Foi unha decisión moi complicada porque todos eran moi bonitos e se esforzaron moito en facelos. Estamos moi contentos e ao final, depois de debatir entre nós para ver cal era a mellor opción, escollimos este logo: NORABOA A TOD@S! Agora, temos que chegar a un acordo coa autora do logo sobre os dereitos de distribución e de uso.

Hoxe fomos á radio local a falar do noso proxecto LÓVA. Estivemos en Radiovoz, no programa de Isidoro Valerio. Alí foi Guillermo, Paula, Pilar e Emilio. Fixéronlles unha serie de preguntas acerca do proxecto. Ademais eles mesmos tamén foron ata o concello para empezar os tramites do aluger do teatro Jofre, pero ese proceso vai ser algo longo debido aos papeleos que hai que facer. Este mesmo día tamén tivemos a clase típica de LÓVA, na que tamén nos dividimos por profesións, quedando na biblioteca estilistas, relacións públicas, escritores e actores, mentres que o resto estaba no salón de actos ou na aula de música. Tamén saímos na prensa, tanto no Diario de Ferrol coma na Voz de Galicia . Entrando aquí, podedes escoitar o noso programa de Isidoro Valerio (Voces de Ferrol)

Hoxe, durante as últimas horas da mañá, despois de tanto tempo esperando e tanto contactar, logramos ir ao teatro Jofre, unha excursión moi importante para a nosa Compañía. Ao chegar sacáronnos, unha foto na entrada e despois disto entramos dentro do Teatro. Alí José (director do Torrente Ballester) explicounos a historia do Jofre, como por exemplo cando se inagurou, como era, etc. Él levounos polo edificio ensinándonos a balconada, a galería de fiestras, etc. Moita xente non coñecía esas partes, e quedámonos sorprendidos. Logo pasamos a parte técnica xunto con outro compañeiro de José e ensinounos a parte do escenario, camerinos, etc. Tamén ensinounos como utilizar as luces e como usar todos os mecanismos, tanto do telón, das barras das luces, etc. Pasámolo moi ben, e tamén aprendimos moito! Desexando estrear a obra no teatro Jofre! Recórdovos que podedes visitar a nosa conta de Instagram !!!!!!

Hoxe, traballamos cos compañeiros do noso mesmo oficio para ir avanzando na composición da música, guión, escenografía, maquillaxe e peluquería, etc... Os nosos músicos conseguiron crear unha peza musical moi bonita.  As maquilladoras e peluqueiras investigaron sobre os peinados dos anos 80 (anos en que ambientaremos a nosa ópera). Os intérpretes e escritores fixeron grandes avances no guión.  Os escenógrafos e iluminadores comenzaron a crear unha maqueta do escenario para ir pensando no decorado.

Hoxe tiñamos pensado ir ao teatro Jofre, pero debido ás condicións meteorolóxicas, tivemos que cancelar a visita. Entón realizamos a clase na biblioteca. Os actores contáronnos a biografía de cada personaxe e logo, os escenógrafos, músicos, iluminadores e maquilladores viron algúns vídeos para documentarse.  Podedes ver as imaxes na nosa conta de INSTAGRAM .

Hoxe, primeira sesión de 2020, comezamos a traballar en grupo con compañeiros da nosa mesma profesión. Ao principio déronnos a cada grupo unha listaxe de tarefas que teremos que completar antes do estreno da nosa obra.  Pilar recordounos un consello que nos dixera Pablo  (unha visita especial que tivemos na primeira avaliación): É moi importante que exita a comunicación entre as distintas profesións. Non se trata de que cada un faga o seu, hai que conseguir que todo en conxunto forme unha obra e por iso é importante a comunicación entre as persoas das distintas profesións. Algúns comezaron a elaborar o guión, outros documentáronse sobre a música, a escenografía, a vestimenta... Nós, os documentalistas, encargámonos de crear un calendario no que se distribúen as tarefas para lograr unha mellor optimización do tempo.  Aquí vos deixamos algunhas das fotografía da sesión de hoxe.