COMPAÑÍA DE ÓPERA CARIÁTIDES

A sesión estivo dedicada principalmente a explicar as diferentes profesións e as súas funcións porque temos que ir pensando en que nos gustaría traballar: Director/Directora de produción: organiza os horarios e espazos de traballo da compañía. Supervisa todos os traballos. Figurinistas : deseñan o vestiario Caracterización : Maquillan ou peinan aos intérpretes Escenógrafos/escenógrafas : deseñan a escenografía Iluminadoras/Iluminadores : deseñan a iluminación e constrúen os focos Relacións públicas : traen público ás funcións, fan carteis e programas Rexidor/Rexidora : supervisa o proceso. Da entradas e salidas e cambios de escena durante a función. Sabe todos os papeis porque é o sustituto en caso de que ocorra unha emerxencia. Intérpretes : aprenden o libreto e as cancións e interpretan os seus papeis. Documentalistas : crean un arquivo que mostra o proceso de creación da ópera Escritoras/Escritores : escriben o libreto Compositoras/Compositores : crean a música e toca

Como vimos en sesións anteriores, a canción Olelé ten un significado. Se queredes saber máis sobre el, podedes ver o vídeo, premendo  aq uí  ou na imaxe.

Hoxe comezamos a sesión completando un reloxo de papel no que en cada hora tiñamos que quedar cun compañeiro diferente. Logo a profesora explicounos en que consiste un logo e cales son os diferentes tipos. Retomamos a actividade do reloxo e quedamos co compañeiro que nos tocaba para responder a unhas cuestións sobre logos. O próximo día decidiremos entre todos cales serán as características do noso logo e comezaremosa preparalo.

Hoxe foi un día de grandes avances. Despois de todas estas sesións debatindo activamente sobre o nome da nosa Compañía de Ópera, chegamos a un acordo! Como a fusión entre os nomes Cariátides e Ethereal non nos gustaban a todos, decidimos dar un paso atrás e escoller entre os anteriores, e esta vez decantámonos por CARIÁTIDES.  Logo comezamos coa creación do logo. Vimos algunhas propostas interesantes pero cremos que podemos combinar algunhas ideas para crear un logotipo que nos represente a todos. Tamén fixemos unha dinámica de grupo que consistía en colocarnos sobre unha alfombra (que representaba os restos de un naufraxio) e darlle a volta sen que ninguén caese dela. Intentámolo dúas veces e non fumos quen de conseguilo así que pensarémolo ao longo desta semana.

En todas as sesións cantamos unha canción titulada Olélé Moliba Makasi, e hoxe, na cuarta sesión sesión, aprendimos o que significa. Para moitos de nós, como podedes ver na imaxe inferior, representa a unión, o equipo e o compañeirismo. Deixámosvos o enlace á canción para que a escoitedes. Hoxe tamén continuamos avanzando no proceso de elección do nome da nosa compañía.

Na terceira sesión mandáronnos levar un espello para mirarnos nel e escribir que víamos ao poñernos enfronte del. Algúns de nós atrevéronse a compartir os seus sentimentos máis persoais e aqueles que non o fixeron, viron que había máis xente na súa mesma situación. Tamén comezamos a pensar no noso nome e suxerimos estes: Hermes - deus mensaxeiro. Ópera do Sofía Branca Flor Así somos  nós - defendendo a idea de que cada un de nós é distinto e non temos que avergoñarnos diso. Superando metas Ethereal - que significa "o eterno" en inglés e ademais inclúe as palabras " the real" que significan "o real" Ohana- significa familia en hawaiano. Cariátides - representando que cada un de nós é unha columna e que traballando xuntos, podemos levantar un templo. Fainos pensar no mundo clásico, a perfección, a harmonía e a proporción. Yukuharu

O segundo día fixemos diferentes dinámicas de grupo, co obxetivo de mellorar a comunicación entre nós para propiciar chegar a acordos, compartir ideas e ser quen de desenvolver o proxecto. Unha destas dinámicas era un xogo que consistía en tecer unha "tea de araña" a partir de lá. Isto serviunos para comprometernos co grupo. Empezamos a pensar en distintos nomes para a nosa compañía pero non chegamos a un acordo. Outra actividade consistía en pensar en un obxecto moi importante para nós, xustificar a nosa elección e asocialo cun sentimento. A sesión resultounos entretida e descubrimos a importancia de comprometernos á hora de traballar en grupo e aprendimos unha técnica moi importante para facer silencio, imprescindible para poder facer unha escoita activa.  

Os alumnos de 4ºA de o IES Sofía Casanova temos a sorte de poder participar neste curso 2019/2020 nun proxecto chamado  LÓVA (A Ópera como Vehículo de Aprendizaxe). O primeiro día explicáronnos en que consiste o proxecto: temos que crear por nós mesmos unha ópera para representar no Teatro Jofre cando acabe o curso. O proxecto realizarase principalmente nas materias de Relixión ou Valores e Lingua Castelá aínda que tamén contaremos coa axuda de Tecnoloxía, Plástica, Música, Titoría e Historia. Pica na imaxe para ter máis información acerca do proxecto.